«Եվրատեսիլը» շատ բարդ մրցույթ է հատկապես երեխաների համար, քանի որ կան բազմաթիվ դիսցիպլինաներ, որոնք պետք է պաշտպանվեն, մենք արդեն մեկ անգամ ունեցել ենք այս փորձը և միանգամայն վստահ ենք, որ երկրորդ անգամ է՛լ ավելի լավ ենք անելու,- ասաց Վրաստանի Առաջին ալիքի գլխավոր տնօրեն Թինաթին Բերձենիշվիլի:

Թինաթին Բերձենիշվիլիի խոսքով, Վրաստանը պատրաստ է հյուրընկալել մանկական Եվրատեսիլ երգի մրցույթը։

«Կսահմանվի որոշակի ժամկետ, մենք կունենանք մեր խնդիրը, որը պետք է ավարտին հասցնենք փաստաթղթային տեսքով, հետո կսկսենք մանրամասների մասին խոսել՝ որտեղ է անցկացվելու, ինչպիսին է լինելու եւ այլն։ Մեզ կարճ ժամանակ է պետք, որպեսզի ամեն ինչ կարգին լինի։ Վստահաբար կարող ենք ասել, որ երկիրը պատրաստ է ընդունել Եվրատեսիլը։ Կարծում եմ, և մենք ունենք այս հավակնությունը, որ անմոռանալի տեսարան կառաջարկենք առաջին հերթին վրացի երեխաներին։ Մենք ցանկանում ենք ներգրավել դպրոցները, բոլոր նրանց, ովքեր սիրում են վրացական երգերը։ Կարծում եմ՝ մեզ բոլորիս համախմբում է պետք»,- ասել է Թինաթին Բերձենիշվիլին։

Վրաստանը Մանկական Եվրատեսիլ 2024-ի հաղթողն է: Անդրիա Փուտկարաձեն Վրաստանին չորրորդ հաղթանակը բերեց «Մանկական Եվրատեսիլ» երգի մրցույթում 239 միավորով։ Այս արդյունքով Վրաստանը մրցույթի ռեկորդակիրն է։