«Ազգային շարժման» անունից կարող եմ ասել, որ իմաստ չունի որեւէ ընտրության մասնակցել, եթե միշտ հաղթում է հաշվողը։ Անհրաժեշտ են խաղի նոր, արդար կանոններ, հայտարարել է Ազգային շարժման նախագահ Թինա Բոկուչավան։

Բոկուչավային հարցրել են, թե արդյոք Ազգային շարժումը մտադիր է մասնակցել տեղական ինքնակառավարման մարմինների ընտրություններին։

«ՏԻՄ ընտրությունների հետ կապված հարցեր կան: Այս մասին ես արդեն բազմիցս խոսել եմ։ «Ազգային շարժման» անունից կարող եմ ասել, որ իմաստ չունի մասնակցել որեւէ ընտրության, եթե միշտ հաղթում է հաշվողը։ Այսպես է ստեղծված Իվանիշվիլիի համակարգը, և դա մեզ ցույց տվեցին, ի թիվս այլ բաների, հոկտեմբերի 26-ի խորհրդարանական ընտրությունները։ Քաղաքացիների մեծամասնությունը վստահություն հայտնեց դեմոկրատական, եվրոպամետ ուժերին, սակայն Իվանիշվիլին, այնուամենայնիվ, գրել է այլ թվեր և գողացել ընտրությունների արդյունքները։ Հետևաբար, անհրաժեշտ են խաղի նոր, արդար կանոններ՝ ազատ ընտրություններ անցկացնելու համար, որոնք կարտացոլեն վրաց ժողովրդի ազատ կամքը»,- ասել է Թինա Բոկուչավան։