Այնպիսի միջազգային կազմակերպությունների գնահատականները, ինչպիսիք են ԵԱՀԿ-ն և Վենետիկի հանձնաժողովը, կարևոր են, սակայն անհրաժեշտ է խստացնել պատժամիջոցային քաղաքականությունը։ Այս մասին հայտարարել է «Ազգային շարժման» նախագահ Թինա Բոկուչավան։

Բոկուչավայի խոսքով՝ «պատժամիջոցային քաղաքականության խստացումն այն քայլն է, որը կօգնի դուրս բերել երկիրը այն անդունդից, ուր նրան մղել է Իվանիշվիլիի ռեժիմը»։

«ԵԱՀԿ-ի, Վենետիկի հանձնաժողովի նման միջազգային կազմակերպությունների գնահատականները չափազանց կարևոր են, սակայն Իվանիշվիլիի գործողությունների մասշտաբը բոլոր գնահատականներից դուրս է։ Հետևաբար, անհրաժեշտ է խստացնել պատժամիջոցային քաղաքականությունը, քանի որ դա միակ բանն է, որը ազդում է Իվանիշվիլիի վրա և կարող է մեր երկիրը դուրս բերել այն անդունդից, ուր նա նրան տարել է», – հայտարարել է Թինա Բոկուչավան։

Հիշեցնենք, որ ԵԱՀԿ-ի Ժողովրդավարական հաստատությունների և մարդու իրավունքների գրասենյակը (ODIHR) ապրիլի 2-ին հայտարարություն էր տարածել, որում կոչ է անում իշխանություններին վերանայել «օտարերկրյա գործակալների գրանցման մասին» օրենքի կիրարկումը և հայտնել պատրաստակամություն՝ աջակցելու օրենսդրական դաշտի բարելավմանը։