Թեոնա Աքուբարդիա. Քաղաքական առաջնորդների էգոները ցածր չեն, և սա մարտահրավեր է, կոալիցիային պետք են փոխզիջումներ գտնող ուժեղ առաջնորդներ
Կոալիցիոն կառավարությունը միակ լուծումն է այս երկրում միակուսակցական կառավարմանը վերջ տալու և քաղաքական իշխանությունը փոխելու համար,- Վրաստանի Առաջին ալիքին ասել է ընդդիմադիր պատգամավոր Թեոնա Աքուբարդիան։
Նրա խոսքով, դրա համար անհրաժեշտ է նախապատրաստական շրջան և համոզել բնակչությանը, որ կոալիցիոն կառավարությունը կծառայի նրանց շահերին և բարեկեցությանը։
«Բնականաբար, կան հարցեր, թե ինչպես է ստեղծվելու կոալիցիան, որքանո՞վ համաձայնություն կլինի ազգային հիմնական հարցերի շուրջ։ Եթե սկզբունքների շուրջ նախնական համաձայնություն չլինի, լինի դա դատաիրավական բարեփոխումների, թե ինը քայլերի մասով, բնակչության համար դժվար կլինի պատկերացնել, թե ինչպիսի իշխանություն պետք է փոխարինի ներկայիս իշխանություններին։ Դրա համար անհրաժեշտ է նախապատրաստական շրջան և համոզել բնակչությանը, որ կոալիցիոն կառավարությունը կծառայի նրանց շահերին և բարեկեցությանը։ Այս խնդիրը պետք է կատարի յուրաքանչյուր կողմ: Քաղաքական առաջնորդների էգոները ցածր չեն, և սա մարտահրավեր է։ Վարդերի հեղափոխությունից» հետո իշխանությունը կոալիցիոն էր, «Վրացական երազանքը», որը փոխարինեց «Ազգային շարժմանը», կոալիցիա էր։ Պատմության մեջ կան հնարավորություններ, և դա պահանջում է ուժեղ առաջնորդներ, ովքեր փոխզիջումներ են գտնում: Այն, որ լիդերների ճգնաժամ է, նորություն չէ, ոչ միայն Վրաստանում, կա առաջնորդության ճգնաժամ աշխարհում՝ ԱՄՆ-ում։ Չնայած սրան՝ պետք է պատասխանատվություն ստանձնել և կիսել այն, որպեսզի երկիրն առաջ գնա»,- ասել է Աքուբարդիան։