Կորոնավիրուսը հնարավոր է, հետք թողնի երկարատև հեռանկարում՝ շնչառական համակարգի կամ այլ օրգանային համակարգի վնասվածքի առումով ևս,- այս մասին հայտարարել է Թբիլիսիի ինֆեկցիոն հիվանդանոցի ղեկավար Թենգիզ Ցերցվաձեն:

Նրա խոսքով, սա ցույց են տալիս նախնական արդյունքները որոնք դեռևս հաստատված չեն:

«Սա էլ այս հիվանդության առանձնահատկությունն է, որն սկզբում չգիտեինք: Սկզբում կարծում էինք, որ սա սովորական վարակային թոքաբորբ է, որ կարևոր է հիվանդը չմահանա և եթե նա փրկվի, կլինի բացարձակապես ապաքինված: Այժմ ունենք հետազոտության արդյունքները, դեռևս չհաստատված, որոնք ասում են, որ հնարավոր է, հիվանդությունը հետք թողնի շնչառական համակարգի և ոչ միայն շնչառական համակարգի, այլև՝ այլ օրգաններ վնասի: Սակայն սրանք դեռևս նախնական արդյունքներ են և առաջին հետազոտության վարկածները»,- հայտարարում է Թենգիզ Ցերցվաձեն: