Վերջին շրջանում աշխարհում, այդ թվում՝ Վրաստանում, նկատվում է շնչառական վիրուսների աճ։ Վրաստանը բացառություն չէ. Այս աճը սպասելի էր։ Մտահոգիչ կամ խուճապային իրավիճակ չկա,- Վրաստանի Առաջին ալիքի հետ զրույցում ասել է Ինֆեկցիոն ախտաբանության և ՁԻԱՀ-ի կենտրոնի տնօրեն Թենգիզ Ցերցվաձեն։

Նրա խոսքով՝ էմոցիաները չափազանցված են, ասես կլինիկաներում տեղեր չկան։

«Վրաստանում շնչառական վարակների ներկայիս մակարդակը համապատասխանում է տարիներ շարունակ եղածին, եթե չհաշվենք «Covid»-ի երեք տարիները։ Բնակչությունը հաճախ ծանրաբեռնված է ընթացիկ աճով, քանի որ նրանք սովոր են այն փաստին, որ «Covid» համաճարակի ժամանակ շատ քիչ շնչառական վիրուսներ կային։ Կորոնավիրուսի ժամանակ պետությունն ուներ կոշտ արձագանքման միջոցներ՝ լինեն դիմակներ, ձեռնպահ մնալով հասարակական վայրերում հավաքվելուց, համերգներ չեն եղել, սպորտային միջոցառումներ, հարսանիք-տոնակատարություններ սահմանափակվել են, եթե դա անհրաժեշտ է եղել կորոնավիրուսի կանխարգելման համար, միևնույն ժամանակ՝ շնչառական վիրուսները կանխարգելվում էին, շնչառական վիրուսներ գործնականում չկային։ Երբ Covid-ի նկատմամբ սահմանափակումները հանվեցին, այս վարակներն ավելացան և վերադարձան իրենց սկզբնական մակարդակին, ոչ ավելին։ Տագնապալի իրավիճակ չկա, հուզմունքն ու էմոցիաները չափից դուրս են, ոնց որ կլինիկաներում տեղ չկա, ինչքան ուզես տեղ կա։ Միգուցե մեկ-երկու մանկաբուժական կլինիկան մեկ-երկու օր ծանրաբեռնված է եղել, բայց խուճապի մատնվելու բան չկա, ծանրաբեռնված էր, այլ կլինիկաներ կան։ Այնպես որ, իրավիճակը բնորոշ է այս սեզոնին»,- ասել է Ցերցվաձեն։