Թեմուր Մղեբրիշվիլի. Աղետի գոտում մոբիլիզացված են պետական բոլոր գերատեսչությունները՝ թե՛ կենդանի ուժով, թե՛ հատուկ տեխնիկայով
Արտակարգ իրավիճակների կառավարման ծառայության ղեկավար Թեմուր Մղեբրիշվիլիի խոսքով՝ Օնիի մունիցիպալիտետում՝ աղետի գոտում, մոբիլիզացված են բոլոր պետական գերատեսչությունները՝ ինչպես կենդանի ուժով, այնպես էլ հատուկ տեխնիկայով ու սարքավորումներով։
Նրա խոսքով՝ որոնողափրկարարական աշխատանքների շրջանակում այսօր փրկարարները հայտնաբերել են դեռահասի դի։
«Աղետի գոտում առավոտյան հնարավոր է եղել հայտնաբերել դեռահասի դին եւ տեղափոխել դիահերձարան։ Ներկա պահին որոնողափրկարարական աշխատանքները շարունակվում են։ Մենք աստիճանաբար ընդլայնում ենք տարածքի շրջանակները՝ ակտիվորեն որոնողական աշխատանքներ իրականացնելով։ Ճանապարհի 70 տոկոսը կառուցված է, աշխատանքները դեռ շարունակվում են»,- ասել է Թեմուր Մղեբրիշվիլին։
Արտակարգ իրավիճակների կառավարման ծառայության ղեկավար Թեմուր Մգեբրիշվիլին ևս մեկ անգամ դիմել է այն քաղաքացիներին, ովքեր ցանկություն են հայտնել մասնակցել փրկարարական աշխատանքներին:
«Գիտեք, որ երբ վարչապետը աղետի գոտում էր, արտակարգ խորհրդակցություն է տեղի ունեցել, բոլոր համապատասխան պետական գերատեսչությունները հանձնարարություններ են ստացել, հետևաբար պետական բոլոր գերատեսչությունները մոբիլիզացվել են՝ թե՛ կենդանի ուժով, թե՛ հատուկ տեխնիկայով, թե՛ այլ հատուկ միջոցներով։ Ուզում եմ ևս մեկ անգամ կրկնել՝ օրակարգում կարիք չկա»,- ասել է Թեմուր Մղեբրիշվիլին։