Որոնողական աշխատանքները ինտենսիվ շարունակվում են, օպերատիվ խորհրդակցությունը նախարարը վարում էր երեկ մինչև ուշ գիշեր, որտեղ նախարարից հանձնարարականներ ստացանք, թե կոնկրետ ինչ միջոցառումների վրա պետք է կենտրոնանանք,- ասել է արտակարգ իրավիճակների կառավարման ծառայության ղեկավար Թեմուր Մղեբրիշվիլին։

Նրա խոսքով, հետախուզական աշխատանքներ են ընթանում նաև մինչև Ամբրոլաուրի 18 հատվածների բաժանված գետի հունում։

«Այսօր նկատվել է Hyundai մակնիշի ավտոմեքենա, որում, մեր տեղեկություններով, երեք մարդ է եղել։ Այս պահին կոնկրետ վայրերում աշխատանքներ են տարվում։ Ավելացնեմ նաև, որ աղետի էպիկենտրոնի հիմնական մասը մշակվել, ստուգվել է, մնացել է մոտ 25%-26%, որը կարծում ենք երկու օրից ամբողջությամբ կստուգենք։ Դրանից հետո մենք ունենք որոշ կարծիքներ՝ հիմնված վերլուծության վրա և կզեկուցենք ձեզ ավելի ուշ: Ոչ մի դեպքում աշխատանքը չի կանգնի, մինչև չլինի թեկուզ փոքր տեսական հնարավորություն։ Մենք այստեղ ենք, աշխատում և անում ենք այն ամենը, ինչ մարդկային և տեխնիկական հնարավորությունների շրջանակում է»,- ասել է Մղեբրիշվիլին։