Վրաստանի ՆԳՆ կենտրոնական քրեական ոստիկանության վարչության տնօրեն Թեյմուրազ Կուպատաձեի խոսքով՝ մինչ այժմ երկրի տարբեր վայրերում թմրանյութերի ապօրինի շրջանառության մեջ մեղադրվող ավելի քան մեկ տասնյակ մարդ է ձերբակալվել։

Ինչպես լրագրողներին ասել է Կուպատաձեն, օրվա վերջում ձերբակալվածների թիվն առնվազն կկրկնապատկվի։

«Շարունակվում է անզիջում պայքարը թմրավաճառների դեմ։ Այսօր, դատավորի որոշման հիման վրա, ավելի քան մեկ տասնյակ թմրավաճառներ են ձերբակալվել երկրի չորս վայրերում՝ տարբեր քաղաքներում, այդ թվում՝ Թբիլիսիում, Փոնիճալայում։ Միջոցառումը շարունակվում է։ Առգրավվել է մեծ քանակությամբ տարբեր տեսակի թմրամիջոցներ, և ես վստահ եմ, որ ձերբակալվածների թիվը մինչև օրվա վերջ առնվազն կկրկնապատկվի»,- ասել է Թեմուր Կուպատաձեն։

Նրա խոսքով, ձերբակալվածների թվում կան ինչպես օտարերկրյա պետությունների քաղաքացիներ, այնպես էլ կանայք։

Թբիլիսիում մի քանի ժամ շարունակ հատուկ գործողություն է ընթանում։ Առկա տեղեկատվության համաձայն՝ հատուկ գործողությունն իրականացվում է երկրի ողջ տարածքում՝ տարբեր վայրերում։