Թելավիում անցկացվում է «Ժողովրդավարության փառատոնը», որը կազմակերպել է «Արևելյան Եվրոպայի բազմակուսակցական ժողովրդավարության կենտրոն» (EECMD) հասարակական կազմակերպությունը։

Փառատոնին մասնակցում են ընդդիմության առաջնորդները, այդ թվում՝ «Ազգային շարժման» նախագահ Թինա Բոկուչավան, «Միասնության» առաջնորդ Գիորգի Վաշաձեն, «Ուժեղ Վրաստան» կոալիցիայի առաջնորդներ Մամուկա Խազարաձեն և Բադրի Ջափարիձեն։

Ինչպես ասել է «Ազգային շարժման» նախագահ Թինա Բոկուչավան, «Ժողովրդավարության փառատոնի» էությունն այն է, որ քաղաքացիներին հնարավորություն ընձեռվի ծանոթանալ քաղաքական կուսակցությունների նախընտրական ծրագրերին։

«Շատ կարևոր է բազմակուսակցական ձևաչափով մասնակցել նման միջոցառումներին, որպեսզի քաղաքացիները տեսնեն, որ քաղաքական կուսակցությունները կարող են համագործակցել և միասին աշխատել այնպիսի կարևոր հարցի շուրջ, ինչպիսին է ժողովրդավարության ամրապնդումը: Սա այն ակնկալիքն է, որն այսօր կա հասարակության մեջ և, բնականաբար, մեզնից՝ քաղաքական գործիչներից ու քաղաքական կուսակցություններից, արձագանքելու այս հասարակական պատվերին»,- ասել է Բոկուչավան։

«Ուժեղ Վրաստան» կոալիցիայի առաջնորդներից Բադրի Ջափարիձեի խոսքով՝ քաղաքացիները կտեղեկացվեն իրենց նախընտրական ծրագրի մասին։

«Մենք ուզում ենք մեր համաքաղաքացիներին ասել, թե ինչ ենք անելու իշխանության գալուն պես։ Սա 1000 լարի թոշակ է, 200 000 աշխատատեղ, մեգանախագծերի ավարտ, մեր երկրի վերադարձ ԵՄ ինտեգրում և արտագաղթողների վերադարձ հայրենիք։ Այս մասին մենք կխոսենք մեր համաքաղաքացիների հետ»,- ասել է Բադրի Ջափարիձեն։

Տեղեկացնենք, որ մեկ շաբաթ առաջ՝ հուլիսի 27-ին Ծալենջիխայում նույնպես անցկացվել է «Ժողովրդավարության փառատոն», որին մասնակցել են նաեւ ընդդիմության ներկայացուցիչներ։