Թեհրանում բանակցություններ են տեղի ունեցել Ադրբեջանի և Հայաստանի արտգործնախարարների միջև։

Իրանի մայրաքաղաքում 3+3 ձեւաչափով բանակցությունների շրջանակներում կայացել է Ջեյհուն Բայրամովի և Արարատ Միրզոյանի երկկողմ հանդիպումը։

«3+3 ձեւաչափի բանակցությունների շրջանակներում Թեհրանում Արարատ Միրզոյանի եւ Ջեյհուն Բայրամովի հանդիպումը Ադրբեջանի եւ Հայաստանի միջեւ խաղաղության եւ բարեկամության ճանապարհի քայլերից մեկն է։ Հանդիպման շրջանակում զրույցի հնարավորություն են ունեցել Ադրբեջանի և Հայաստանի արտգործնախարարները։ Այս հանդիպումը կնպաստի Հարավային Կովկասում կայունությանն ու անվտանգությանը»,- ասել է հյուրընկալող երկրի՝ Իրանի արտգործնախարար Հոսեյն Ամիր Աբդոլահյանը։

Հոկտեմբերի 23-ին Թեհրանում կայացել է 3+3 ձևաչափով հանդիպում՝ Ադրբեջանի, Ռուսաստանի, Թուրքիայի, Իրանի և Հայաստանի արտգործնախարարների մասնակցությամբ։

Հոկտեմբերի 22-ին Վրաստանի արտաքին գործերի նախարարությունը հայտարարեց, որ Վրաստանը չէր մասնակցի 3+3 ձևաչափի հանդիպմանը: «Վրաստանը չի մասնակցում նշված հանդիպմանը և երբեք չի մասնակցել», – հայտնել են Վրաստանի ԱԳՆ-ից։

«3+3» ձևաչափի նախաձեռնությունը Թուրքիայի նախագահ Ռեջեփ Թայիփ Էրդողանինն է։ Նշված ձևաչափով առաջին հանդիպումը տեղի է ունեցել Մոսկվայում 2021 թվականի դեկտեմբերի 10-ին։ Թուրքիայի հետ միասին դրան մասնակցում են Ռուսաստանը, Հայաստանը, Ադրբեջանը և Իրանը։ Վրաստանի պաշտոնական դիրքորոշումն այն է, որ ռուսական գործոնի պատճառով չի մասնակցի նշված ձևաչափին։