Կետերի կատարման գործընթացում բոլոր կողմերի ներգրավվածությունը շատ կարևոր է, թեև մենք լսում ենք, որ որոշ ընդդիմախոսներ հրաժարվում են մասնակցել, պատասխանը միակն է, երևի թե, այն է, որ նրանք ընդհանրապես Եվրոպա չեն ուզում,- ասաց Վրաստանի մշակույթի, սպորտի և երիտասարդության նախարար Թեա Ծուլուկիանին:

Նրա խոսքով՝ «Վրացական երազանք» կուսակցությունը երեկ ներկայացրել է Եվրամիության սահմանած 12 կետերի կատարման ծրագիր։

«Մենք իշխանություն ենք և հետևաբար, պարտավոր ենք ունենալ ծրագիր և տեսլական, և մենք երեկ ներկայացրել ենք ծրագիրը և տեսլականը։ Բացատրեցինք հանրությանը, թե ինչպես ենք մենք նախատեսում իրականացնել այն կետերը, որոնք Եվրամիությունը սահմանել է մեզ տարեվերջին կարգավիճակ շնորհելու համար: Մենք երեկ հայտարարեցինք նաև, որ բոլոր կողմերի ներգրավվածությունը այս կետերի իրականացման գործում չափազանց կարևոր է, թեև հասկանում ենք, որ որոշ ընդդիմախոսներ հրաժարվում են մասնակցել։ Եթե ​​հարց է տրվում՝ ինչո՞ւ են դա անում, պատասխանը երեւի միակն է, որ իրենք ընդհանրապես Եվրոպա չեն ուզում, պարզապես ուզում են անօրինական ճանապարհով հեռացնել իշխանությանը։ Իշխանությունից ու քաղաքական գործընթացներից սա է նրանց հիմնական ծրագիրն ու նպատակը՝ երկիրը եվրոպական ճանապարհով չտանելը։ Այդ իսկ պատճառով 2012 թվականին ընտրողը նրանց հեռացրեց իշխանությունից»,- ասել է Թեա Ծուլուկիանին։