Վրաստանի մշակույթի նախարար Թեա Ծուլուկիանիի խոսքով, եթե «Ազգային շարժումը» կրկին կենտրոնանա հին դեմքերի վրա, ապա չի կարող որևէ տեսակի առաջընթաց գրանցել։

Նրա խոսքով, ներկայիս ճգնաժամի պայմաններում «Ազգային շարժմանը» չի հաջողվել անգամ նոր առաջնորդ բացահայտել։ Թեա Ծուլուկիանին կարծում է, որ «Ազգային շարժումը» չի կարող հաղթահարել այս ճգնաժամը։

«Մենք տեսնում ենք, որ այլևս չկա այն, ինչ իրենք տարիներ շարունակ ասում էին՝ ողնաշարը, նկատի ունեմ Վանո Մերաբիշվիլիին, քանի որ Վանո Մերաբիշվիլիի բանտից դուրս գալուց հետո, չնայած նրանց ակնկալիքներին, մենք բոլորս տեսնում ենք, որ նրա քաղաքական ռեսուրսը զրոյական է կամ նույնիսկ ավելի քիչ։ Ինչպես նաև, արդեն չկա մի ղեկավար, որը մեղավոր է ճանաչվել բազմաթիվ քրեական գործերով և պատիժ է կրում։ Նկատի ունեմ նախկին նախագահին, իսկ ինչ վերաբերում է խելքին, ապա նա արտերկրում է, նկատի ունեմ Ադեիշվիլիին։ Ուստի նրանց չի սպառնում որևէ տիպի առաջընթաց, հաջողություն, եթե նորից կենտրոնանան հին դեմքերի վրա։ Առաջնորդը, ողնաշարը, ուղեղները բոլորը դատապարտված են, ուստի դրանք չեն աշխատի: Նոր ղեկավար չկարողացան բացահայտել, սա խնդիր է նաև քաղաքական միավորման համար, և բոլոր կուսակցությունները կարող են բախվել ճգնաժամի, բայց որոշ ժամանակ անց ներքին աշխատանքի, վերլուծության, վերագնահատման կամ գնահատման արդյունքում բացահայտվում է առաջնորդը։ Նրանք նույնպես չէին կարող դա անել, և իրականում դա, հավանաբար, ճգնաժամ չէ, որը նրանք կկարողանան հաղթահարել: Կարծում եմ, որ մենք ականատես ենք այս քաղաքական իշխանության վերջնական ավարտին»,- ասել է Թեա Ծուլուկիանին։