Թեա Ծուլուկիանի. Այսօր կրկեսային արվեստի մրցույթ ենք հայտարարում, այլ ժանրի, բայց քաղաքականության մեջ որոշ ընդդիմադիրների գործողություններն արդեն կրկեսի նման են, քանի որ խաղում են պետության ու երկրի ճակատագրի հետ
Մենք աշխատում ենք, և վրաց ազգը կիմանա, որ «Վրացական երազանքը» եվրոպական ճանապարհին ամեն ինչ արել է նրա հաջողության համար,- ասել է Վրաստանի մշակույթի նախարար Թեա Ծուլուկիանին։
Ինչպես նշել է Ծուլուկիանին, 12 կետից բաղկացած հանձնարարականներին «Վրացական երազանք»-ի կողմից շատ լուրջ են վերաբերվում։
«Այսօր մենք հայտարարում ենք կրկեսային արվեստի և այլ ժանրերի մրցույթ, բայց քաղաքականության մեջ դա արդեն կրկեսի նման է իրենց կողմից, քանի որ նրանք զբաղվում են, խաղում են պետության ու երկրի ճակատագրի հետ: 12 կետից բաղկացած հանձնարարականները մեր կողմից շատ լուրջ են ընկալվում։ Ես ամենօրյա շփում ունեմ խորհրդարանի իմ գործընկերների հետ։ Ես գիտեմ, թե որքան աշխատանք են տանում, որպեսզի բոլոր օրենսդրական փոփոխություններն ընդունվեն սահմանված ժամկետում։ Մենք փաստացի գործ ունենք այն բանի հետ, որ նրանք, նկատի ունեմ որոշ ընդդիմադիրներ, չէին ուզում ապաօլիգարխացման օրենքը, նրանք իրականում ուզում էին ապաբիձինիզացիա։ Պարզվեց, որ ապաօլիգարխացման օրենքը կազդի, օրինակ, Կեզերաշվիլիի վրա, ով իր ծավալուն հայտարարությամբ խոստովանեց, որ այո, ինքը օլիգարխ է։ Դա կարող է դիպչել ուրիշներին, եթե նրանք նախկինում բանկիր են եղել և մարդկանց վտարել են իրենց տներից: Ըստ այդմ, սա ևս մեկ անգամ հաստատում է, որ եթե այս երկրում կա օլիգարխ, դա նրանցից որևէ մեկի ներկայացուցիչն է, բայց ոչ Բիձինա Իվանիշվիլին։ Սրանից նրանք դժգոհ են։ Սա իսկապես նման է իրենց կողմից երկրի ճակատագրի հետ խաղալուն, բայց մենք խաղալու տրամադրություն չունենք, աշխատում ենք, և վրաց ազգը կիմանա, որ «Վրացական երազանքն» եվրոպական ճանապարհին ամեն ինչ արել է նրա հաջողության համար»,- ասել է Ծուլուկիանին։