Այս ընթացքում այնպես չլինի, որ Վանո Մերաբիշվիլիի կոպը պոկվի,- այս մասին ասել է Վրաստանի մշակույթի նախարար Թեա Ծուլուկիանին։

Թեա Ծուլուկիանիին հարցրել են Վրաստանի ներքին գործերի նախկին նախարար Վանո Մերաբիշվիլիի հայտարարության մասին, որտեղ նա նշում է, որ պատրաստվում է զանգվածային բողոքի ցույցեր կազմակերպել, ինչին Թեա Ծուլուկիանին ասել է. «Այս ընթացքում այնպես չլինի, որ Վանո Մերաբիշվիլիի կոպը պոկվի»:

Մարտի 10-ին Վանո Մերաբիշվիլին «Ուկրինֆորմ» մեդիա կենտրոնում ասել է. «Որպես վրացի՝ ես ամաչում եմ, որ Վրաստանը չի մասնակցում, Ուկրաինայի դաշնակիցը չէ այս պատերազմում»։ Միաժամանակ Մերաբիշվիլին նշել է. «Մենք պատրաստվում ենք զանգվածային բողոքի ցույցեր սկսել, մեր հիմնական նպատակն է փոխել իշխանությունը և Վրաստան բերել արևմտամետ, ուկրաինամետ կառավարություն»։