Թեա Ախվլեդիանին հանդիպել է Վրաստանում ՄԱԿ-ի մանկական հիմնադրամի նոր ներկայացուցչի հետ
Վրաստանի հաշտեցման և քաղաքացիական իրավահավասարության հարցերով պետական նախարար Թեա Ախվլեդիանին ծանոթացման հանդիպում է ունեցել Վրաստանում ՄԱԿ-ի մանկական հիմնադրամի նոր ներկայացուցչի՝ Իզաբելլա Կաստրոջովանիի հետ։
Պետնախարարը հյուրին ներկայացրել է հաշտեցման և ներգրավվածության քաղաքականության իրականացման գործում ձեռք բերված առաջընթացը և ապագայի տեսլականները, որոնք նպատակ ունեն բարելավել հակամարտությունից տուժած բնակչության սոցիալ-տնտեսական պայմանները և խորացնել արհեստականորեն բաժանված հասարակության միջև ընդհանուր շահերի վրա հիմնված երկխոսությունն ու վստահությունը։
Հանդիպման ընթացքում քննարկվել է օկուպացված շրջաններում մարդու իրավունքների և մարդասիրական ծանր իրավիճակը։ Իր հերթին, նոր ներկայացուցիչ Իզաբելլա Կաստրոջովաննին աջակցություն է հայտնել պետական նախարարի գրասենյակի գործունեությանը և լիակատար պատրաստակամություն հայտնել ապագա համագործակցության համար։
Տեղեկատվությունը հրապարակվել է պետական նախարարի մամուլի ծառայության կողմից։