Թեա Ախվլեդիանին հանդիպել է Հյուսիսային Մակեդոնիայի արտաքին գործերի նախարար Բույար Օսմանիի հետ
Վրաստանի հաշտեցման և քաղաքացիական հավասարության հարցերով պետնախարար Թեա Ախվլեդիանին հանդիպում է ունեցել ԵԱՀԿ գործող նախագահ, Հյուսիսային Մակեդոնիայի արտաքին գործերի նախարար Բույար Օսմանիի հետ։
Պետնախարարը շնորհակալություն է հայտնել օտարերկրյա դիվանագետին՝ միջազգայնորեն ճանաչված սահմաններում Վրաստանի ինքնիշխանությանն ու տարածքային ամբողջականությանը ցուցաբերած ամուր աջակցության համար և ընդգծել ԵԱՀԿ-ի դերն ու ակտիվ ներգրավվածությունը հակամարտության խաղաղ կարգավորման գործընթացում, այդ թվում՝ Ժնևում միջազգային բանակցությունների համանախագահությունը։
Թեա Ախվլեդիանին ԵԱՀԿ նախագահին է ներկայացրել պետնախարարի աշխատակազմի իրավասության մեջ ընդգրկված երկու ուղղությունների՝ հաշտեցման և ներգրավման, ինչպես նաև քաղաքացիական իրավահավասարության և ինտեգրման առաջնահերթությունները, ձեռք բերված արդյունքները և ապագա տեսլականները։
Պետնախարարը քննարկել է Վրաստանի օկուպացված շրջաններում անվտանգության, հումանիտար և մարդու իրավունքների իրավիճակը։ Հատուկ ուշադրություն է դարձվել օկուպացիոն գծի երկայնքով փշալարերի և այլ արհեստական պատնեշների տեղադրման անօրինական գործընթացին, ազատ տեղաշարժի սահմանափակումներին և Վրաստանի քաղաքացիների անօրինական կալանավորմանը:
Կողմերն ընդգծել են Ժնևում միջազգային բանակցությունների կարևորությունը և օրակարգում ընդգրկված հարցերի շուրջ առաջընթաց գրանցելու անհրաժեշտությունը։
Թեա Ախվլեդիանին խոսեց հաշտեցման և ներգրավվածության քաղաքականության իրականացման գործընթացի մասին, ներառյալ «Քայլ դեպի ավելի լավ ապագա» խաղաղ նախաձեռնությունը:
«ԵԱՀԿ նախագահող երկրի արտաքին գործերի նախարարի հետ հանդիպումը չափազանց հետաքրքիր և կարևոր էր՝ հաշվի առնելով ԵԱՀԿ հատուկ դերը հակամարտության խաղաղ կարգավորման գործընթացում:
Հյուսիսային Մակեդոնիայի արտաքին գործերի նախարարն իր հերթին ևս մեկ անգամ հաստատել է ԵԱՀԿ-ի ամուր դիրքորոշումը միջազգայնորեն ճանաչված սահմաններում Վրաստանի ինքնիշխանության և տարածքային ամբողջականության վերաբերյալ և խոստացել է վրացական կողմին լիակատար աջակցություն խաղաղ գործընթացում։
Կողմերը պայմանավորվել են հետագա սերտ համագործակցության շուրջ։
Տեղեկությունը հրապարակում է Վրաստանի հաշտեցման և քաղաքացիական հավասարության հարցերով պետնախարարի գրասենյակը։