Թեա Ախվլեդիանին հանդիպել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարի հետ
Հաշտեցման և քաղաքացիական իրավահավասարության պետնախարար Թեա Ախվլեդիանին հանդիպել է Հարավային Կովկասում և Վրաստանի ճգնաժամի հարցերով Եվրամիության հատուկ ներկայացուցիչ Տոյվո Կլաարի հետ։
Ըստ պետնախարարի գրասենյակի, ընդգծվել է հակամարտության խաղաղ կարգավորման գործընթացում Եվրամիության հատուկ դերի և ներգրավվածության կարևորությունը, այդ թվում՝ արհեստականորեն պառակտված հասարակության միջև վստահության վերականգնմանը նպաստելու միջոցով։
«Հանդիպմանը քննարկվել է Վրաստանի օկուպացված շրջաններում հումանիտար և մարդու իրավունքների իրավիճակը։ Առանձնահատուկ ուշադրություն է դարձվել հաշտեցման և ներգրավման քաղաքականության իրականացման գործընթացին և այս առումով ապագա տեսլականներին, որոնք հիմնված են հակամարտությունից տուժած բնակչության անձակենտրոն, կարգավիճակի նկատմամբ չեզոք և կարիքների վրա հիմնված մոտեցումների վրա:
Կողմերը պատրաստակամություն են հայտնել շարունակել սերտ համագործակցությունը»,- նշվում է պետնախարարի գրասենյակի հաղորդագրության մեջ։