Թեա Ախվլեդիանին հանդիպել է Ղվարելիի և Լագոդեխիի շրջանների գյուղերի բնակիչներին և տեղեկատվական արշավ սկսել Կախեթիի շրջանում
Պետական նախարար Թեա Ախվլեդիանին ողջույնի խոսքով բացեց Կախեթիի շրջանում լայնածավալ տեղեկատվական արշավը և Լագոդեխիում հավաքված համայնքին ներկայացրեց եռշաբաթյա բազմաբաղադրիչ արշավի նպատակները, որոնք ծառայում են պետական ծրագրերի իրազեկմանը և տարբեր արդիական հարցերին ազգային փոքրամասնությունների ներկայացուցիչների համար։
Պետնախարարը նշել է, որ քարոզարշավի շրջանակներում բնակչությունը հնարավորություն կունենա տեղեկատվություն ստանալ կրթության, պետական լեզվի ուսուցման, առողջապահության, գյուղատնտեսության, սոցիալ-տնտեսական պետական ծրագրերի և ծառայությունների, կառավարության կողմից սահմանված աջակցության, արտոնությունների և անվճար իրավաբանական օգնության մասին։
Թեա Ախվլեդիանիի խոսքով, ազգային փոքրամասնությունների ներկայացուցիչներին պետական ծառայությունների և ծրագրերի մասին առավելագույն տեղեկացվածությունն ամենակարևոր նախապայմանն է հասարակական կյանքում ոչ վրացալեզու համաքաղաքացիների լիարժեք մասնակցության համար, ինչը միևնույն ժամանակ քաղաքացիական իրավահավասարության և ինտեգրման պետական քաղաքականության առաջնահերթ հարցերից է։ Հանդիպմանը մասնակցել է նաև օկուպացված տարածքներից տեղահանվածների, աշխատանքի, առողջապահության և սոցիալական պաշտպանության փոխնախարար Թամիլա Բարկալայան, ով նույնպես դիմել է ներկաներին։
Կախեթիի շրջանում պետնախարարը հանդիպումներ է ունեցել նաև էթնիկ փոքրամասնություններով խիտ բնակեցված Ղվարելիի և Լագոդեխիի շրջանների գյուղերում։ Թեա Ախվլեդիանին հանդիպել է Շորոխ, Չանթլիսքուր, Թիվի, Արեշփերան և Փոնա գյուղերի բնակիչներին։ Պետնախարարը տեղացիներին ներկայացրել է 2021-2030 թվականների քաղաքացիական իրավահավասարության և ինտեգրման պետական ռազմավարության առաջնահերթություններն ու ապագա ծրագրերը՝ լսելով բնակչության կարիքները և տեղական ինքնակառավարման մարմինների ներկայացուցիչների հետ քննարկել դրանք լուծելու ուղիները։
«Քաղաքացիական իրավահավասարության և ինտեգրման պետական քաղաքականության շրջանակներում մեր պարտավորություններից է նպաստել մեր բազմազան, էթնոմշակութային երկխոսության զարգացմանը, ինչպես նաև Վրաստանի բոլոր քաղաքացիների համար հավասար հնարավորությունների և պայմանների ստեղծումը՝ անկախ նրանց էթնիկ պատկանելությունից։ Հենց այդ նպատակով մենք շարունակելու ենք հանդիպումներ անցկացնել ազգային փոքրամասնություններով խիտ բնակեցված շրջաններում։ Այս անգամ մենք Կախեթիում ենք և այսօր հանդիպումներ ունեցանք Լագոդեխիի և Ղվարելիի մունիցիպալիտետների մի քանի գյուղերի բնակիչների հետ, որտեղ ներկայացրեցինք մեր տեսլականներն ու նոր նախաձեռնությունները, ինչպես նաև ծանոթացանք նրանց կարծիքներին և կարիքներին։ Նաև մենք լայնամասշտաբ տեղեկատվական քարոզարշավ ենք սկսել, որը ներառում է Կախեթիի շրջանի էթնիկ փոքրամասնություններով խիտ բնակեցված բոլոր գյուղերը և տեղական բնակչությանը կտրամադրի առավելագույն տեղեկատվություն և բացատրություններ՝ կապված պետական ծառայությունների և նրանց հասանելի ծրագրերի հետ», – ասել է Թեա Ախվլեդիանին։
Տեղեկությունը տարածում է հաշտեղման և քաղաքացիական իրավահավասարության հարցերով պետնախարարի գրասենյակը։
