Թեա Ախվելդիանին հանդիպում է ունեցել Եվրոպայի խորհրդի պատվիրակության անդամների հետ։

Վրաստանի հաշտեցման և քաղաքացիական հավասարության հարցերի պետական նախարար Թեա Ախվելդիանին հանդիպում է ունեցել Եվրոպայի խորհրդի պատվիրակության անդամների հետ, որոնց այցի նպատակը Եվրոպայի խորհրդի գլխավոր քարտուղարի 31-րդ ամփոփ հաշվետվության՝ «Կոնֆլիկտը Վրաստանում» պատրաստումն էր։

Պետական նախարարը պատվիրակության անդամներին շնորհակալություն է հայտնել Եվրոպայի խորհրդի կողմից Վրաստանի ինքնիշխանության և տարածքային ամբողջականության միջազգային ճանաչված սահմաններում անսասան աջակցության համար և ընդգծել Եվրոպայի խորհրդի կարևոր դերը հակամարտության խաղաղ կարգավորման, ներառյալ հաշտեցման և ներգրավվածության գործընթացում՝ աջակցելով պատերազմով բաժանված համայնքների միջև վստահության վերականգնմանը։

Այս համատեքստում ընդգծվեց գլխավոր քարտուղարի ամփոփ հաշվետվությունների կարևորությունը, որոնք արտացոլում են օկուպացված տարածքներում տիրող իրավիճակը և այդպիսով ստանում են առանձնահատուկ նշանակություն՝ հաշվի առնելով, որ տեղում բացակայում են մարդու իրավունքների միջազգային վերահսկման մեխանիզմները։

Հանդիպման ընթացքում քննարկվել է Վրաստանի օկուպացված տարածքներում առկա հումանիտար և մարդու իրավունքների ոլորտում տիրող ծանր իրավիճակը։

Բացի այդ, Թեա Ախվելդիանին պատվիրակության անդամներին ներկայացրել է հաշտեցման և ներգրավվածության քաղաքականության իրականացման գործընթացում գրանցված առաջընթացը և ապագա տեսլականները, որոնք նպատակ ունեն բարելավել հակամարտությունից տուժած բնակչության սոցիալ-տնտեսական պայմանները, ինչպես նաև խթանել արհեստականորեն բաժանված հասարակությունների միջև ընդհանուր շահերի վրա հիմնված երկխոսությունն ու վստահության վերականգնումը։

Եվրոպայի խորհրդի ներկայացուցիչը դրական է գնահատել Վրաստանի կառավարության ջանքերը և խոստացել է լիակատար աջակցություն ցուցաբերել խաղաղության գործընթացում վրացական կողմին։

Կողմերը պայմանավորվել են շարունակել սերտ համագործակցությունը։