«Թբիլսերվի գրուպը» կոչ է անում բնակիչներին և ընկերությունների ներկայացուցիչներին՝ օրենքի խախտմամբ չթափել շինարարական աղբը։

Չի թույլատրվում շինարարական/իներտ թափոններ տեղադրել կենցաղային աղբի համար նախատեսված տարաների մեջ կամ մոտ։ Նշված խախտման համար նախատեսված է դրամական տույժ:

«Թբիլսերվիս գրուպը» կոչ է անում բնակիչներին և ընկերությունների ներկայացուցիչներին շինարարական աղբը և հին կահույքը չթողնել աղբամանների մոտ, փողոցում կամ քաղաքի ծայրամասերում։ Գլդանի թաղամասում՝ Թբիլիսիի օղակաձև ճանապարհի 15-րդ կիլոմետրին հարող տարածքում, գործում է իներտ թափոնների աղբավայր, որտեղ ցանկացած ֆիզիկական կամ իրավաբանական անձ կարող է օրինական կերպով թափել նմանատիպ թափոնները։

«Թբիլսերվի գրուպ»-ի տնօրեն Դավիթ Փաչուլիան Մախաթա լեռան մերձակայքում անցկացվող մաքրման ակցիայի ժամանակ խոսել է շինարարական աղբի հետ կապված մայրաքաղաքում առկա խնդիրների մասին։ Ճանապարհամերձ հատվածը մաքրվել է ինչպես իներտ, այնպես էլ կենցաղային աղբից։ Մաքրման ակցիային իր աշխատակիցների հետ միացել է Դավիթ Փաչուլիան։

«Գլդանիի աղբավայրում իներտ թափոնների տեղադրման սակագները խնայող են և մատչելի քաղաքացիների համար։ Ֆիզիկական և իրավաբանական անձինք «Թբիլսերվի գրուպի» հետ կարող են կնքել մեկանգամյա կամ երկարաժամկետ պայմանագիր։ Այս տեսակի աղբը կարելի է օրինական կերպով թափել աղբավայրում զեղչված գնով, փոխարենը շինարարական աղբը թողնել քաղաքում, աղտոտել այն, վնասել մայրաքաղաքին նորից սպասարկող մեր աղբատար մեքենաները»,- ասաց Դավիթ Փաչուլիան։

«Թբիլսերվի գրուպ» ՍՊԸ-ի աշխատակիցները իներտ թափոնները հեռացրել են Չուղուրեթիի շրջանում ևս 15 տեղանքից։ Նմանատիպ մաքրման աշխատանքներ են իրականացվում Թբիլիսիի բոլոր թաղամասերում։

Գլդանիի աղբավայրում թափոնների հեռացման սակագները սահմանվում են ըստ տրանսպորտային միջոցի ծանրաբեռնվածության: Մանրամասն տեղեկություններ կարելի է ստանալ ընկերության թեժ գծով՝ 2 61 90 50։

Տեղեկությունը տարածում է Թբիլիսիի քաղաքապետարանը։