«Թբիլիսոբա 2023»-ի կապակցությամբ նախատեսված միջոցառումներով սեպտեմբերի 28-ի ժամը 23:00-ից հոկտեմբերի 3-ը ժամը 08:00-ն մայրաքաղաքի առանձին փողոցներում կսահմանափակվի երթեւեկությունը։ Տեղեկությունը տարածում է քաղաքապետարանը։

Սեփական տեղեկություններով՝ նշված ժամանակահատվածում տրանսպորտային միջոցները չեն կարող շարժվել չոր կամրջից Գրիգոլ Օրբելիանիի հրապարակի ուղղությամբ։

«Քուռ գետի աջ ափով Վիրսալաձեի փողոց գնացող մեքենաները կշարժվեն դեպի Աթոնելի փողոց, իսկ հետո աջ թեքվելով՝ կմիանան Ճանտուրիա փողոցին։ Աբանո փողոցից տրանսպորտային միջոցների տեղաշարժը սահմանափակվելու է Գրիշաշվիլի փողոցի ուղղությամբ, իսկ Գրիշաշվիլի փողոց հնարավոր կլինի հասնել Ֆիրդուսի և Իսպահանլի փողոցներով։ Բացի այդ, սեպտեմբերի 29-ին ժամը 12:00-ից հոկտեմբերի 1-ը ժամը 00:00-ն կարգելվի երթեւեկությունը Խետագուրովի փողոցում՝ N6-ից N40 ճանապարհահատվածում, ինչի պատճառով երթեւեկությունը կիրականացվի Քուռ գետի ձախ ափով։ Ինչ վերաբերում է հասարակական տրանսպորտին, ապա N320, N323 և N536 միկրոավտոբուսները, որոնք շարժվում են Բարաթաշվիլի փողոցի ուղղությամբ, Զաարբրուկենի հրապարակից կշարժվեն Տոլստոյի փողոց, ապա Խետագուրով և Բարաթաշվիլի կամուրջներով կմիանան Բարաթաշվիլի փողոցին։ Հետ վերադառնալիս նշված ավտոբուսներն ու միկրոավտոբուսները Բարաթաշվիլի փողոցից կշարունակեն շարժվել Բարաթաշվիլի կամրջի ուղղությամբ, կմիանան Քուռ գետի ձախ ափին, որից հետո N323-ը կշարժվի Խետագուրովի փողոց և կսպասարկեն ուղևորներին սահմանված չվացուցակով։ իսկ N320-ը և N536-ը կշարունակեն գոյություն ունեցող երթուղին Զաարբրյուկենի հրապարակից»,- հայտնել են քաղաքապետարանից։