Թբիլիսիում Վրաստանի արտաքին գործերի նախարարության կազմակերպությամբ ընթանում է Վրաստանի հյուպատոսական պաշտոնյաների համակարգող խորհրդակցությունը։

Համակարգող հանդիպման շրջանակներում մասնակիցները քննարկում են հյուպատոսական գործունեությանն առնչվող բոլոր կարևոր հարցերը, այդ թվում՝ հյուպատոսական ծառայությունների որակի և մատչելիության բարելավումը, օրենսդրական դաշտը, ժամանակակից տեխնոլոգիաները, ճգնաժամային իրավիճակներում քաղաքացիներին արդյունավետ օգնություն ցուցաբերելը:

Ուշադրություն է դարձվում նաև եվրաինտեգրման և Վրաստանին թեկնածուի կարգավիճակ տալու համատեքստում օրենսդրական ու համակարգային փոփոխությունների նորություններին։ Քննարկվել են Վրաստանի քաղաքացիների համար առանց վիզայի հնարավորությունների ավելացման հեռանկարները, անձնական տվյալների պաշտպանությունը, աշխատանքային շրջանային միգրացիան, հյուպատոսական ուղղությամբ նախարարության ձեռնարկած քայլերը և ապագայում նախատեսված միջոցառումները։

Տեղեկությունը տարածում է Վրաստանի արտաքին գործերի նախարարության մամուլի ծառայությունը։