Թբիլիսիում այսօր նախատեսված ցույցին կմիանան նաև «Ազգային շարժման» Զուգդիդիի կազմակերպության անդամները
10:09, 29.10.2020
Թբիլիսիում այսօր նախատեսված ցույցին են մեկնում նաև «Ազգային շարժման» և Միացյալ ընդդիմության Զուգդիդիի կազմակերպության անդամները և կողմնակիցները:
Ինչպես հայտարարում են կազմակերպիչները, Սամեգրելոյից միջոցառմանը մեկնում է մոտ 10 հազար կողմնակից: Նրանց փոխանցմամբ, բոլորին բաժանվել են շնչադիմակներ, մեքենաներում ունեն ախտահանման լուծույթներ և ցույցին պահպանված կլինեն կանոնակարգերը:
«Միացյալ ազգային շարժման» և Միացյալ ընդդիմության ամփոփիչ հավաքն անցկացվելու է Ազատության հրապարակում, այսօր, ժամը 18:00-ին:
