Զբոսաշրջության ազգային վարչության տվյալներով՝ ազդեցիկ «National Geographic Travel magazine» հատուկ ուղեցույց է պատրաստել 100 լավագույն քաղաքների մասին։

Թբիլիսիի զբոսաշրջային վայրերը ներկայացված են ուղեցույցում։ Լրագրող Ջոզեֆ Ռիչարդ Յոգերտը գրում է Թբիլիսիի մասին, լրագրողը Վրաստան է մեկնել Զբոսաշրջության ազգային վարչության մամուլի շրջագայության շրջանակներում։ Ուղեցույցը նկարագրում է Թբիլիսիի պատմական թաղամասերը, պատմությունը, մշակութային հուշարձանները, թանգարանները, թատրոնները, զբոսաշրջային երթուղիները, հյուրանոցները, սննդի օբյեկտները: Ուղեցույցը Թբիլիսիի հետ մեկտեղ զբոսաշրջիկներին ներկայացնում է նաև Մցխեթան։

«Թբիլիսին երկար ժամանակ գտնվում է Արեւելքի եւ Արեւմուտքի ազդեցության տակ։ Այստեղ դուք կկարողանաք համտեսել վրացական համեղ ուտեստներ, որոնք համատեղում են ինչպես պարսկական, այնպես էլ միջերկրածովյան խոհանոցը։ Դուք կարող եք տեսնել և շոշափել այն ժառանգությունը, որն ընդգծված է Հին Թբիլիսիի ճարտարապետության մեջ: Այստեղ դուք կտեսնեք «իտալական բակերը», որոնց պատշգամբներն առանձնանում են փայտյա ճաղերով և պարուրաձև աստիճաններով։ Այս դիզայնը ավելի շատ հիշեցնում է Մետաքսի ճանապարհի քարավան, քան իտալական: Այստեղ թաղային բակում ապրելակերպը միավորում է բոլոր սերունդների ընտանիքներին: Այստեղ հավաքվում են, ուտում, զրուցում, երգում, հյուրասիրում և խաղում։ Թբիլիսցիները դարեր շարունակ վայելել են այս գործընթացը»,- գրում է Ջոզեֆ Ռիչարդ Յոգերտը։

«National Geographic Travel» ամսագրի լրագրողը ուղեցույցում մանրամասն նկարագրում է ծծմբի բաղնիքները, Մցխեթայի տաճարները և Թբիլիսիի ազգային պարկը։

Տեղեկությունը տարածում է Զբոսաշրջության ազգային վարչության մամուլի քարտուղարությունը։