Մայրաքաղաքի քաղաքապետ Կախա Կալաձեի խոսքով՝ Թբիլիսիի տրանսպորտային ընկերությունը հայտարարում է 400 թափուր աշխատատեղ ավտոբուսի վարորդի պաշտոնի համար։

Ինչպես նա նշեց քաղաքապետարանի կառավարության նիստում, 8, 10 և 12 մետրանոց ավտոբուսների վարորդների թափուր տեղերը կլրացվեն, իսկ ներկայումս աշխատող վարորդները կտեղափոխվեն 18 մետրանոց ավտոբուսներ։

«Մենք արդեն ձեռք ենք բերել 160 միավոր 18 մետրանոց ավտոբուսներ, որոնք այս պահին արտադրության փուլում են։ Դրանք տարբեր երթուղիներով կներդրվեն և գործարկվեն 2024 թվականին։ Հաշվի առնելով դա՝ Թբիլիսիի տրանսպորտային ընկերությունը սկսել է վերապատրաստել ընկերությունում ներկայումս աշխատող վարորդներին՝ նշված ավտոբուսները վարելու համար անհրաժեշտ E կարգի վկայական ստանալու համար։ Դրանց փոխարեն անհրաժեշտ կլինի լրացնել 8, 10 եւ 12 մետրանոց ավտոբուսների վարորդների թափուր տեղերը»,- ասել է Կախա Կալաձեն։

Նրա խոսքով, նշված թափուր աշխատատեղի համար պաշտոնական աշխատավարձը կազմում է 2500-3000 լարի։

«Աշխատանք գտնել ցանկացողները պետք է դիմեն Թբիլիսիի տրանսպորտային ընկերություն։ Համապատասխան հարցազրույց և պրակտիկա անցնելուց հետո բոլոր մարդիկ՝ անկախ սեռից, հնարավորություն կունենան աշխատանքի ընդունել որպես M3 կարգի ավտոբուսի վարորդ։ Հայտարարված է թափուր աշխատատեղ 400 վարորդի համար: Այս թափուր պաշտոնի համար պաշտոնական աշխատավարձը կազմում է 2500-3000 լարի, ասել է մայրաքաղաքի քաղաքապետը։