Թբիլիսիի օդանավակայանում Միլան ֆուտբոլային ակումբի լեգենդներին դիմավորել է մայրաքաղաքի քաղաքապետ Կախա Կալաձեն։

«Միլանի» նախկին խաղացող Կախա Կալաձեն խոսել է վաղը Թբիլիսիում նախատեսված լեգենդների հանդիպման մասին և նշել, որ ֆուտբոլասերների համար շատ հետաքրքիր և զգացմունքային կլինի ներկա լինել այս հանդիպմանը։

«Հավանական է, որ նշված հանդիպումը տեղի կունենա վաղը՝ երեկոյան, ժամը 19:00-ին։ Կարծում եմ՝ մայրաքաղաքում վրացի երկրպագուներին հետաքրքիր երեկո է սպասվում։ Թբիլիսիում երկրպագուները կտեսնեն իրենց սիրելի խաղացողներին՝ ինչպես վրացի, այնպես էլ տարբեր ազգերի, ովքեր խաղացել են պատմական Միլանում, որն իրականում տասը տարի հաղթել է ամեն ինչ, և ես ուրախ եմ, որ եղել եմ այդ թիմի մի մասը։ «Միլանը» մեծ պատմություն ունեցող թիմ է, և ես շատ ուրախ եմ, որ այստեղ են իմ նախկին թիմակիցները։ Ինձ համար շատ զգացմունքային է, քանի որ ես դեռ ընկերներ եմ տղաների հետ, և բոլորը շատ ուրախ են այցելել մեր երկիր, մեր գեղեցիկ մայրաքաղաք: Վաղը լավ եղանակ է լինելու, ինչպես գիտեմ, երկրպագուներին հաճելի երեկո է սպասվում»,- ասել է Կախա Կալաձեն։

Վրաստանի ֆուտբոլի ֆեդերացիայի և Թբիլիսիի քաղաքապետարանի կողմից կազմակերպված սեպտեմբերի 21-ին Թբիլիսիում միմյանց կհանդիպեն Վրաստանի հավաքականի և իտալական «Միլանի» լեգենդները։

Տեղեկությունը տարածում է Թբիլիսիի քաղաքապետարանի մամուլի ծառայությունը։