Թբիլիսիի մետրոպոլիտենի մեքենավարները դադարեցրել են գործադուլը, մետրոն այսօր 14:00-ին կվերսկսի իր աշխատանքը,- այս մասին մետրոյի մեքենավար Ռատի Կապանաձեն հայտնել է լրագրողներին: Նշված որոշումը նրանք կայացրել են Թբիլիսիի քաղաքապետարանում անցկացված հանդիպումից հետո:

Նրա խոսքով, քաղաքապետարանի հետ եկել են համաձայնության, սակայն դեռևս հայտնի չէ, թե քանի տոկոսով է ավելանալու նրանց աշխատավարձերը: Նշված հարցով բանակցությունները սկսվելու են առաջիկայում:

Մեքենավարները հավաքել են իրենց վրանները և հեռացել Գլդանի Դեպոյի տարածքից:

Գործադուլ հայտարարած մեքենավարները ուշ գիշեր հանդիպել են Կախա Կալաձեին, որից հետո Թբիլիսիի քաղաքապետի հետ հանդիպման մանրամասները քննարկել են Գլդանի Դեպոյի տարածքում գտնվող մեքենավարների հետ և կայացրել գործադուլը դադարեցնելու որոշում:

Թբիլիսիի մետրոպոլիտենը երկու օր է չէր աշխատում:

Մետրոյի մեքենավարները վերցրել են վրանները