Թբիլիսիի քաղաքապետարանը լրացուցիչ վեց անշարժ գույք ձեռք կբերի անօթեւան ընտանիքներին բնակարանով ապահովելու ծրագրի շրջանակներում։

Մայրաքաղաքի քաղաքապետ Կախա Կալաձեի խոսքով, անօթևան ընտանիքներին բնակարանով ապահովելու ծրագրի շրջանակներում արդեն իսկ ձեռք է բերվել 79 անշարժ գույք։

Ինչպես նշել է Կալաձեն Թբիլիսիի քաղաքապետարանի կառավարության նիստում, կառավարության որոշման նախագիծն արդեն պատրաստ է, և լրացուցիչ վեց անշարժ գույք ձեռք կբերվի։

«Մեր նախընտրական խոստումն անօթեւան ընտանիքներին բնակարանով ապահովելն էր։ Սա շատ կարևոր ծրագիր է, և մենք բնակչությանը խոստացել ենք, որ Թբիլիսիում անօթևաններ չենք ունենա։ Նշված ծրագրի շրջանակներում անցած տարվանից սկսել ենք բնակարաններ գնել։ Արդեն գնվել է 56 բնակարան, իսկ այս տարի ձեռք է բերվել 23 բնակելի տարածք, որն ընդհանուր առմամբ կազմում է 79 անշարժ գույք։ Բացի այդ, արդեն իսկ պատրաստվել է կառավարության որոշման նախագիծ՝ լրացուցիչ վեց անշարժ գույք գնելու վերաբերյալ։ Նշված գործընթացը կշարունակվի այնքան ժամանակ, քանի դեռ բոլոր ընտանիքները բավարարված չեն տարածքով»,- ասել է Թբիլիսիի քաղաքապետը։

Բացի այդ, Կախա Կալաձեն ևս մեկ անգամ բացատրել է, որ քաղաքացիները, ովքեր տառապում են նմանատիպ խնդիրներից, նախ պետք է ստանան անօթևանների կարգավիճակ։

«Եվս մեկ անգամ հիշեցնում ենք, որ այն քաղաքացիները, ովքեր ունեն նշված խնդիրը, առաջին փուլում պետք է ստանան անօթեւանի կարգավիճակ։ Անօթեւանի կարգավիճակը տալիս է Առողջապահության նախարարությունը։ Դրանից հետո հարցը կքննարկվի քաղաքապետարանի առողջապահության եւ սոցիալական ծառայությունում եւ համապատասխան որոշում կկայացվի։ Այսօրվա դրությամբ ունենք գրանցված շուրջ 400 անօթևան ընտանիք, և բոլորն էլ բնակարան կստանան»,- ասել է Կախա Կալաձեն։