Սկսվում է Մետեխի կամրջի ամբողջական վերականգնումը,- հայտարարել է մայրաքաղաքի քաղաքապետ Կախա Կալաձեն Թբիլիսիի քաղաքապետարանի կառավարության նիստում։

Նրա խոսքով, աշխատանքների ընթացքում մասամբ կսահմանափակվի Մետեխի կամրջի և հարակից տարածքի երթևեկությունը։

«Թբիլիսիի քաղաքապետարանը սկսում է Մետեխի կամրջի ամբողջական վերականգնումը։ Սա մեր նախընտրական խոստումն էր։ Մայրաքաղաքում ունենք կամուրջներ, որոնք վերականգնման կարիք ունեն: Այս փուլում մենք սկսում ենք Մետեխիի կամրջից։ Նախագծի շրջանակներում ճանապարհը կասֆալտապատվի, կվերանորոգվեն մայթերը և կծածկվեն բնական քարե սալիկներով: Նախատեսվում է նաև ամրացնել և մշակել ճակատներն ու կամարները։ Բացի այդ, կամրջի չուգունե ճաղավանդակները առանց արտաքին տեսքի փոփոխման՝ կթարմացվեն։ Պլանային աշխատանքներով պայմանավորված՝ Մետեխիի կամրջի և հարակից տարածքում երթևեկությունը պարբերաբար, մասամբ կսահմանափակվի։ Աշխատանքները կսկսվեն մոտ տասն օրից։ Նախօրոք տեղեկատվություն կտրամադրենք ճանապարհի փակման մասին»,- ասել է Կախա Կալաձեն։

Նրա խոսքով, նախագծի արժեքը երկու միլիոն լարի է։

«Ծրագրի արժեքը մոտ երկու միլիոն լարի է։ Աշխատանքների ավարտից հետո Մետեխիի կամուրջը կվերանորոգվի ու կնորացվի»,- ասել է Թբիլիսիի քաղաքապետը։