Թբիլիսիի քաղաքապետարանը «Փոխպատվաստման ծրագրի շրջանակներում», լյարդի փոխպատվաստման վիրահատությունը յուրաքանչյուր հիվանդին 60 հազար փոխարեն կֆինանսավորի 70 հազար լարիով,- այս մասին հայտարարել է Թբիլիսիի քաղաքապետ Կախա Կալաձեն՝ մունիցիպալիտետի կառավարության այսօրվա նիստին:

Նրա խոսքով, նշված վիրահատության ֆինանսավորումը նրա նախընտրական խոստումներից մեկն էր և մեկ տարվա ընթացքում քաղաքապետարանը ֆինանսավորել է արդեն 10 հիվանդի:

«Թբիլիսիի քաղաքապետարանը լյարդի փոխպատվաստումը ֆինանսավորում է 60 հազար լարիով: Սա իմ նախընտրական խոստումն էր, որի իրականացումն սկսել ենք մեկ տարի առաջ: Բավականին թանկարժեք վիրահատություն, մոտավորապես 120 000 և մենք ֆինանսավորում ենք կեսը՝ 60 հազար լարին: Այսօրվանից փոփոխություն է մտցվում և ավելացնում ենք ևս 10 000 լարի: Այսինքն, լյարդի փոխպատվաստման վիրահատությունը ֆինանսավորվում է 70 000 լարիով»,- հայտարարել է Կախա Կալաձեն: