Վակեի թաղամասի Ծղնեթի մայրուղու վերականգնումը սկսվել է։ Աշխատանքներն իրականացվում են Ծղնեթիի թիվ 6 մայրուղուց մինչև նոր ճանապարհային կամուրջ,- նշված է Թբիլիսիի քաղաքապետարանի տեղեկատվության մեջ։

Մայրաքաղաքի քաղաքապետարանից հայտնում են, որ նշված հատվածում երթևեկությունը սահմանափակվել է երկու ուղղություններով, իսկ տեղաշարժվելու թույլտվությունը տրվում է միայն վերականգնողական գոտում բնակվող տեղի բնակիչներին, որոնց կտրվի հատուկ թույլտվություն։

«Մեքենայի թույլտվություն ստանալու համար տեղի բնակիչները պետք է դիմեն բնակարանատերերի միությունների նախագահներին, իսկ առանձնատներում ապրող քաղաքացիները թույլտվություն կստանան Վակեի թաղապետարանում, Թամարաշվիլիի թիվ 10-ում կամ թաղային գրասենյակում, որը գտնվում է Փալիաշվիլիի թիվ 41 հասցեում։ Այդ նպատակով Վակեի թաղապետարանը և վարչակազմի տեղամասային բաժինը կաշխատեն հունիսի 15-ին և 16-ին, ինչպես նաև տոներին»,- նշված է քաղաքապետարանի տեղեկատվության մեջ։