Թբիլիսիի քաղաքապետարան. Ներկայումս մենք իրականացնում ենք ուռուցքաբանական հիվանդությունների կանխարգելման և բուժման չորս ծրագիր
Փետրվարի 4-ը քաղցկեղի դեմ պայքարի միջազգային օրն է։ Այս օրվա կապակցությամբ Թբիլիսիի քաղաքապետարանը հայտարարում է, որ իրականացնում է քաղցկեղի սկրինինգի և բուժման համար անհրաժեշտ մի շարք ծրագրեր։
«Թբիլիսին ունի քաղցկեղի դեմ քաղաքի կարգավիճակ եւ ներգրավված է միջազգային շարժման մեջ։ Այս մարտահրավերը քաղաքներին դրդում է ապահովել քաղցկեղի որակյալ և մատչելի բուժում և կառավարում:
Քաղցկեղի դեմ պայքարի միջազգային միությունը (UICC) Նյու Յորքում 2018 թվականին Թբիլիսին պաշտոնապես հռչակեց որպես Եվրոպայում քաղցկեղի դեմ պայքարի առաջին մայրաքաղաք։ Մինչ առաջադրումը UICC-ի և նրա հիմնադրամի՝ City Cancer Challenge-ի ներկայացուցիչները տեղում ծանոթացան Թբիլիսիի քաղաքապետարանում այս ուղղությամբ իրականացվող ծրագրերին։
2019 թվականին Վրաստանի օկուպացված տարածքներից փախստականների, աշխատանքի, առողջապահության և սոցիալական հարցերի նախարարությունը, Թբիլիսիի քաղաքապետարանը, «Պացիենտների միություն» հասարակական կազմակերպությունը և «City Cancer Challenge»-ը համագործակցության հուշագիր են ստորագրել։
Հուշագրի շրջանակներում իրականացվում է յոթ ծրագիր։ Ատոմային էներգիայի միջազգային գործակալության (IAEA) փորձագետները Ավստրիայից և Իտալիայից այցելել են Թբիլիսի՝ ընդլայնելու ախտորոշիչ պատկերավորման և միջուկային բժշկության հնարավորությունները: Փորձի փոխանակման և ձեռք բերված գիտելիքները Վրաստանում ներդնելու նպատակով վրացի փորձագետների ավելի քան 20 այցելություններ են տեղի ունեցել Ավստրիայի, Իտալիայի, Իսպանիայի, Սերբիայի և Ուկրաինայի առաջատար կլինիկաներում։ Մշակվել և քննարկվում են միջազգային մակարդակով փաստաթղթեր, ինչպիսիք են՝ հարմարեցված կլինիկական կառավարման և որակի ապահովման ուղեցույցները, զարգացման պլանները, ուսումնական մոդուլներն ու ծրագրերը», – ասվում է Թբիլիսիի քաղաքապետարանում:
Թբիլիսիի քաղաքապետարանը ներկայումս իրականացնում է ուռուցքաբանական հիվանդությունների կանխարգելման և բուժման չորս ծրագիր՝ հիվանդությունների սկրինինգ, կրծքագեղձի քաղցկեղի դեղորայքի, փոխպատվաստման և բժշկական կարիքների ֆինանսավորում։
«Հիվանդությունների սկրինինգային ծրագրով, ըստ տարիքային խմբերի, հետազոտություններն ամբողջությամբ ֆինանսավորվում են։ Ծրագրի նպատակն է վաղ ախտորոշել հիվանդությունները, վաղ փուլում հայտնաբերել քաղցկեղը, նվազեցնել ուռուցքաբանական հիվանդությունների հետեւանքով մահացությունների թիվը։ Ծրագիրը ֆինանսավորում է կրծքագեղձի, արգանդի վզիկի, շագանակագեղձի, հաստ աղիքի քաղցկեղի սկրինինգ և վահանաձև գեղձի քաղցկեղի կառավարում:
Անցյալ տարի Թբիլիսիի քաղաքապետարանը հիվանդության սկրինինգ ծրագրի շրջանակներում ֆինանսավորել է 114 894 դեպք, այդ թվում՝ 100 245 հետազոտություն, որն անցկացվել է «Ազգային սքրինինգ կենտրոնում»։ Փոխպատվաստման ծրագրի շրջանակներում 2021 թվականին ոսկրածուծի փոխպատվաստման համար ֆինանսավորվել է 54 անձ, լյարդի փոխպատվաստման համար՝ 11, կրծքագեղձի քաղցկեղի դեմ դեղամիջոցները փոխհատուցվել է 179 քաղաքացու համար», – հայտնել են Թբիլիսիի քաղաքապետարանից։
