Հոկտեմբերի 20-ին ժամը 20:00-ին Զղվիսուբանիի այգում տեղի կունենա համերգ։ Այս մասին հայտարարություն է տարածում Թբիլիսիի քաղաքապետարանը։

«Անկախ Վրաստանի պատմության մեջ առաջին անգամ կառուցվել է նման մասշտաբի այգի՝ 25 հեկտար տարածքով, որը շուտով կդառնա մեր քաղաքի գլխավոր տեսարժան վայրերից մեկը։

Ինչպես արդեն հանրությանը հայտնի է, հոկտեմբերի 20-ին ծովափնյա այգու բացման միջոցառմանը «Ուղևորներ» խմբի համերգը չի լինելու։ Ափսոս, որ «ուղևորները» չկարողացան դիմակայել լիբերալ ֆաշիզմի ներկայացուցիչների կողմից իրենց դեմ կազմակերպված բուլինգին։

Այս փաստը եւս մեկ անգամ ապացուցում է, թե որքանով են պատրաստ, այսպես կոչված, Արմատականներն ամեն ինչ անում են իրենց քաղաքի ու երկրի շահերի դեմ։

Ինչ վերաբերում է այգու բացմանը, իհարկե, միջոցառումը տեղի կունենա, և թբիլիսցիները հավուր պատշաճի կնշեն իրենց քաղաքի համար կարևոր իրադարձությունը»,- ասված է Թբիլիսիի քաղաքապետարանի հայտարարության մեջ։