Թբիլիսիի ամառային մանկապարտեզներում գրանցումները կսկսվեն վաղվանից։ Ամառային մանկապարտեզներում գրանցումը կիրականացվի էլեկտրոնային եղանակով՝ Թբիլիսիի մանկապարտեզների կառավարման գործակալության կայքում՝ kids.org.ge։

Գործակալության տվյալներով՝ գրանցումը կսկսվի մայիսի 5-ին՝ ժամը 10:00-ին, և կշարունակվի մինչև հունիսի վերջ:

Թբիլիսիի քաղաքապետ Կախա Կալաձեի խոսքով, այս տարի Թբիլիսիի ամառային մանկապարտեզների թիվը 45-ից կհասնի 50-ի և կսպասարկի մինչև 18 հազար երեխայի։ Նրա խոսքով, Թբիլիսիի մանկապարտեզներում հաշվառված երկուսից վեց տարեկան նախադպրոցական տարիքի երեխաները, այդ թվում՝ սեպտեմբերին դպրոց հաճախողները, կընդունվեն մանկապարտեզներ։

Թբիլիսիի քաղաքապետի խոսքով, մանկապարտեզներն ընտրվում են աշխարհագրական սկզբունքով, որպեսզի վերոհիշյալ ծառայությունները հավասարապես հասանելի լինեն Թբիլիսիի բոլոր թաղամասերի բնակիչներին։ Ամառային մանկապարտեզների ցանկը հասանելի է Թբիլիսիի մանկապարտեզների կառավարման գործակալության կայքում։