Թբիլիսի-Սագարեջո ճանապարհահատվածի կառուցման համար հայտարարվել է մրցույթ
Վրաստանի տարածաշրջանային զարգացման և ենթակառուցվածքների նախարարության ավտոճանապարհային վարչությունը Կախեթի ուղղությամբ նոր արագընթաց մայրուղու կառուցման շրջանակներում հայտարարեց մրցույթ Թբիլիսի-Սագարեջո հատվածի կառուցման համար:
Ավտոճանապարհային վարչության տվյալներով, Թբիլիսի-Սագարեջո հատվածում կկառուցվի 35,2 կմ ասֆալտբետոնե ճանապարհ, որը բնութագրվում է երթևեկության բարձր ինտենսիվությամբ: Ավտոմայրուղու շինարարությունը ֆինանսավորվելու է պետական բյուջեից: Ճանապարհի նախագծման աշխատանքներն իրականացվել են ավստրալիական և ամերիկյան բարձր որակավորում ունեցող ընկերությունների կողմից՝ Համաշխարհային բանկի ֆինանսական աջակցությամբ:
Թբիլիսի-Սագարեջո հատվածի մրցույթը հայտարարվել էր երեք լոտերի համար: Ավտոճանապարհային վարչության կողմից կատարված ինժեներական և ֆինանսական վերլուծության հիման վրա ճանապարհաշինությունը բաժանվեց լոտերի այնպես, որ բարձր մրցակցություն ապահովելիս տեղական ընկերություններին թույլատրվեց ինքնուրույն մասնակցել մրցույթին: Նախնական լոտի (Վազիանիի շրջանցիկ ճանապարհ) շինարարական աշխատանքների մրցույթը կանցկացվի պետական գնումների ընթացակարգով և դրան կմասնակցեն վրացական ընկերությունները: Հաջորդ երկու լոտերի (Վազիանի-Սագարեջո և Սագարեջոյի շրջանցիկ ճանապարհ) մասշտաբի հիման վրա աշխատանքների գնման համար օգտագործվում են ազատ միջազգային գնումների, մասնավորապես՝ Համաշխարհային բանկի կանոնների, և բարձր մրցակցության պայմաններում` կընտրվի լավագույնը ընկերությունը: Հաղթող շինարարական ընկերության հետ կստորագրվի «FIDIC» տիպի շինարարական պայմանագիր: Սակայն, վրացական ընկերությունները կկարողանան մասնակցել այս լոտերին՝ որպես համատեղ ձեռնարկություններ:
Թբիլիսի-Սագարեջո հատվածը Թբիլիսիին Կախեթիին կապող հիմնական մայրուղու մի մաս է, ինչպես նաև Ադրբեջանի հյուսիս-արևմտյան տարածաշրջանը կապող տարանցիկ միջանցք: Այս հատվածում երթևեկության հոսքերի ինտենսիվությունը զգալիորեն մեծանում է, և գոյություն ունեցող ճանապարհն անցնում է այնպիսի խիտ բնակեցված գյուղերով և քաղաքներով, ինչպիսիք են Վազիանի, Սարթիճալա, Նինոծմինդա և Սագարեջո: Նոր ճանապարհի կառուցումը զգալիորեն կբարելավի երթևեկի անվտանգությունը և զգալիորեն կնվազեցնի տեղաշարժի ժամանակը: Նախագիծը կաջակցի Կախեթի շրջանում գյուղատնտեսության և զբոսաշրջության զարգացմանը և կբարձրացնի Վրաստանի տարածքով տարանցիկ միջանցքների մրցունակությունը:
