«Tbilisi Energy»-ի արագ արձագանքման ծառայության ղեկավար Իրակլի Դեկանոիձեի խոսքով՝ Վազիսուբանիի բնակելի շենքում տեղի ունեցած պայթյունի հետ կապված հետաքննչական աշխատանքներ են տարվում, իսկ «Թբիլիսի Էներջի»-ի ներկայացուցիչներն այս պահին բնակարանը չեն ստուգել։

«Առայժմ մեզ չի հաջողվել բնակարան մտնել։ Տարածքն ապահովված է, կատարվում են քննչական գործողություններ։ Մենք տարածքը չենք ստուգել»,- ասել է Իրակլի Դեկանոիձեն։

Նրա խոսքով, բնակչությանը զգուշացվել է գազամատակարարման դադարեցման և համապատասխան կանոնի համաձայն գազամատակարարումը վերականգնելու մասին։

«Նշված տարածքում պլանային աշխատանքներ էին ընթանում։ Բնակչությունը նախազգուշացվել է սահմանված կանոնի համաձայն։ Գազամատակարարման վերականգնումը տեղի է ունեցել տեխնիկական նորմերի, այն է՝ անվտանգության կանոնների լիարժեք պահպանմամբ և նկատի ունենալով։ Բնակչությունը հաղորդագրություն էր ստացել։ Նախատեսված աշխատանքները, ցանցի վերակառուցումն ընթանում էր, և բնակչությունը տեղեկացված էր սահմանված կանոնների համաձայն»,- ասել է «Թբիլիսի Էներջի»-ի ներկայացուցիչ Իրակլի Դեկանոիձեն։

Վազիսուբանիի առաջին միկրոշրջանում բնակելի շենքի երկրորդ հարկում պայթյունը, ենթադրաբար, տեղի է ունեցել բնական գազից, որին հաջորդել է հրդեհ։ Հրդեհը վնասել է ևս մի քանի բնակարան։ Պայթյունի հետեւանքով մի քանի մարդ վիրավորվել է։ Տուժածներին շտապ բուժօգնության խմբերով տեղափոխել են հիվանդանոց։ Հրդեհն այս պահին մարվել է։