Օկուպացված տարածքներից փախստականների, աշխատանքի, առողջապահության և սոցիալական պաշտպանության փոխնախարար Թամար Բարկալաիան հանդիպել է Չեխիայի տարածքային զարգացման փոխնախարար Ռադիմ Իրսենի հետ։

Առողջապահության փոխնախարարն արտասահմանցի գործընկերոջը ներկայացրել է նախարարության առաջնահերթություններն ու ընթացիկ գործունեությունը։ Խոսվել է սոցիալական պաշտպանության ուղղությամբ կարևոր նախագծերի և մարտահրավերների մասին։ Քննարկվել են նաև հետագա համագործակցության հեռանկարները։

Չեխիայի տարածքային զարգացման փոխնախարարը դրական է գնահատել գերատեսչության ձեռնարկած քայլերը եւ նշել, որ նախարարությունն ունի ճիշտ առաջնահերթություններ։

«Մենք համագործակցելու ենք այնպիսի հարցերի շուրջ, ինչպիսիք են սոցիալական, ենթակառուցվածքային նախագծերը։ Քննարկեցինք սոցիալական պաշտպանության համակարգերը և այս ուղղությամբ առկա մարտահրավերները։ Չեխական կողմն այս ուղղությամբ կիսվել է սեփական փորձով՝ մեր սոցիալական համակարգերն էլ ավելի մոտեցնելու համար»,- ասաց Թամիլա Բարկալաիան։

Հանդիպմանը ներկա էր նաև Չեխիայի տարածքային զարգացման ներկայացուցիչ Յանա Զելինգերովան։