Ներքին գործերի նախարարության Արտակարգ իրավիճակների կառավարման ծառայության աշխատակիցները Տղիբուլիում ածխահանքի զանգվածի տակ մնացած երկու քաղաքացիների որոնողափրկարարական գործողության շրջանակում հայտնաբերել են տղամարդու դի։ Տեղեկությունը տարածում է Արտակարգ իրավիճակների կառավարման ծառայությունը։

Գերատեսչության տվյալներով՝ մարմինն արդեն դուրս է բերվել քարհանքից, իսկ տեղում ավարտվել են փրկարարական աշխատանքները։

«Մի քանի ժամ առաջ նույն քարհանքում փրկարարներին հաջողվել է հայտնաբերել սողանքի տակ մնացած ևս մեկ քաղաքացու և տեղափոխել անվտանգ տարածք։ Տղամարդուն շտապօգնության բրիգադները տեղափոխել են բուժհաստատություն։

Դեպքի վայրում աշխատում էին Իմերեթիի գլխավոր բաժնի և Արտակարգ իրավիճակների արձագանքման գլխավոր բաժնի խմբերը: Տղիբուլիում մոբիլիզացված էին կենտրոնական համակարգման բաժնի մասնագետները»,- ասված է Արտակարգ իրավիճակների կառավարման ծառայության տարածած հաղորդագրության մեջ։