Տեղական շուկայում վրացական գինեգործական արտադրանքի ժողովրդականացման պետական ծրագրի շրջանակներում Թբիլիսում անցկացվում է բնական գինու փառատոն «Zero Compromise»
Տեղական շուկայում վրացական գինեգործական արտադրանքի ժողովրդականացման պետական ծրագրի շրջանակներում մայիսի 2-3-ին Թբիլիսում անցկացվում է բնական գինու փառատոն «Zero Compromise», – այս մասին տեղեկացնում է Գինու ազգային գործակալությունը։
Նրանց տվյալներով՝ վրացական գինեգործական արտադրանքի ժողովրդականացման պետական ծրագիրը Գինու ազգային գործակալությունը իրականացնում է արդեն երկրորդ տարին՝ Վրաստանի շրջակա միջավայրի պաշտպանության և գյուղատնտեսության նախարարության հետ համատեղ։
«Ծրագրի շրջանակներում Վրաստանի մասշտաբով անցկացվում են գինու ցուցահանդեսներ, մրցույթներ և փառատոններ, ինչը կարևոր է գինու տուրիզմի պոտենցիալի և գինու սպառողական մշակույթի զարգացման համար։
«Zero Compromise» ամենամյա փառատոնը կազմակերպվում է 2018 թվականից՝ «Բնական գինի» ասոցիացիայի նախաձեռնությամբ։ Այս տարի փառատոնին մասնակցում են ասոցիացիայի անդամ 84 տեղական և 30 տարբեր երկրների մարնիներ՝ Ֆրանսիայից, Իտալիայից, Իսպանիայից, Ավստրիայից, Ճապոնիայից, Ավստրալիայից, Թայվանից, Մեքսիկայից, Թուրքիայից և Սլովենիայից։
Փառատոնի մասնակից գինեգործները խաղողի այգիներում չեն օգտագործում քիմիական նյութեր, հանքային պարարտանյութեր կամ հերբիցիդներ, իսկ գինին պատրաստում են առանց արդյունաբերական հավելումների։ Այս մեթոդով պատրաստված գինին կոչվում է «բնական գինի», և փառատոնն ընդգրկում է հենց այդպիսի արտադրողներին, ովքեր գինին պատրաստում են ավանդական ձևով։
Փառատոնին ամեն տարի այցելում են գինու ներկրողներ, լրագրողներ, գրողներ և ոլորտի այլ մասնագետներ բազմաթիվ երկրներից, ինչը Վրաստանի գինեգործներին հնարավորություն է տալիս ներկայացնել իրենց գինիները պոտենցիալ գնորդներին։ Այս տարի նույնպես, Գինու ազգային գործակալության աջակցությամբ, փառատոնին մասնակցում են ամերիկացի գինու մասնագետներ և գինու փորձագետներ աշխարհի տարբեր երկրներից», – նշված է Գինու ազգային գործակալության հաղորդագրությունում։