Ծովային տրանսպորտի գործակալությունը նշում է, որ մինչ այժմ Վրաստանի նավահանգիստներ արգելված նավի կամ բեռի մուտքի դեպքեր չեն գրանցվել։

Նրանց պարզաբանմամբ՝ Վրաստանի ցանկացած նավահանգիստ մտնելուց առաջ մշտապես ստուգվում են և՛ նավերը, և՛ բեռները։

«Կցանկանայինք ևս մեկ անգամ արձագանքել ԶԼՄ-ներում և տարբեր քաղաքական կուսակցությունների կողմից բազմիցս տարածված կեղծ տեղեկատվությանը և ընդգծել, որ մինչ այժմ չի եղել Վրաստանի նավահանգիստներ մուտք գործելու որևէ պատժամիջոցային նավի կամ բեռի դեպք։

Վրաստանի ծովային տրանսպորտի գործակալությունը և ֆինանսների նախարարության եկամուտների ծառայությունը համակարգում և մշտապես ստուգում են ինչպես նավերը, այնպես էլ բեռները՝ նախքան Վրաստանի ցանկացած նավահանգիստ մուտք գործելը։

Նավի ստուգման գործընթացում օգտագործվում են ԵՄ կանոնակարգերը, որոնք սահմանում են պատժամիջոցներ»,- նշում է Ծովային տրանսպորտի գործակալությունը։