«Արտադրիր Վրաստանում» գործակալության աջակցությամբ Մցխեթա-Մթիանեթի շրջանի Ծիլկանի գյուղում բացվել է «Տիմոս» -ի խխունջների վերամշակման գործարան ։ Ձեռնարկության բացմանը ներկա ենգտնվել էկոնոմիկայի նախարար Լևան Դավիթաշվիլին և արտաքին գործերի նախարար Իլիա Դարչիաշվիլին։

«Տիմոս» ընկերությունն օգտագործում է գործակալության վարկային-երաշխիքային մեխանիզմը և ծրագրի շրջանակներում ստացել է 1,5 մլն լարիի վարկ։ Ընկերությունը մոտավորապես 7 000 000 լարի է ներդրել՝ խխունջների վերամշակման գործարան կառուցելու համար։ Ձեռնարկությունում ներկայումս աշխատում է 100 մարդ, այդ թվում՝ տեղացիներ։

Տարածաշրջանում նմանը չունեցող Ծիլկանիում խխունջի նոր գործարանը տարեկան կվերամշակի 1000 տոննա խխունջ և ամբողջ արտադրանքը կարտահանի Ֆրանսիա։ «Տիմոս»-ն արդեն պայմանագիր է կնքել ֆրանսիական խոշորագույն ընկերության հետ, որի հիման վրա փափկամարմինների և ձկնաբուծության ոլորտում ֆրանսիական շուկայի անվիճելի առաջատար «Էսկալ»-ն ամբողջությամբ կգնի վրացական ընկերության մշակած խխունջները։