Աջարիայում, Ճվանիի կիրճում գալիք տարի ծրագրվում են ենթակառուցվածքային նախագծեր: Դրանց թվում են լեռան վրա էքստրեմալների համար հյուրանոցի կառուցումը, փառատոնային տարածքի բարեկարգումը, զբոսաշրջային ​​արահետները և բնության գրկում գործող տարբեր զվարճալի վայրերը:

Հովտի զբոսաշրջության զարգացման հայեցակարգը մշակել է Աջարայի զբոսաշրջության դեպարտամենտի զբոսաշրջային արտադրանքի զարգացման գործակալությունը:

Ճվանիի կիրճը գտնվում է Բաթումիից 58 կմ. հեռավորության վրա: Այն շրջանում հայտնի է ժողովրդական և երաժշտական ​​ավանդույթների հարստությամբ, որտեղ զբոսաշրջիկները բացի տեսարժան վայրերից կարող են վայելել տեղական ուտեստներ, մեղր և մրգեր:

Կիրճը հարուստ է ջրվեժներով, պատմամշակութային հուշարձաններով և ավանդույթներով: Այս տեսանկյունից, առանձնահատուկ է Խաբելաշվիլիների երրորդ դարի կամուրջը, որն ունի մշակութային ժառանգություն ներկայացնող հուշարձանի կարգավիճակ:

Կիրճում գործում է նաև փանդուրիի արհեստանոց, որտեղ յուրաքանչյուրը կարող է գնել երաժշտական ​​գործիքը: