Այսօրվանից Պետծառայությանների զարգացման գործակալությունը կվերսկսի նույնականացման քարտերի և կենսաչափական անձնագրերի տրամադրումը,- հայտնում է Վրաստանի Արդարադատության նախարարությունը:

Արտակարգ իրավիճակում արագացված ծառայություն ստանալ հնարավոր չի լինի, և ծառայությունը հաճախորդը կստանա ստանդարտ 10 օրվա ժամկետում:

«Նրանք, ովքեր ցանկանում են կենսաչափական անձնագիր ստանալ և նախկինում արդեն ստացել էին, կկարողանան դիմել my.gov.ge կամ sda.gov.ge, և պատրաստի փաստաթուղթը շահագրգիռ անձին կուղարկվի փոստով:

Այն անձը, ով առաջին անգամ ստանում է կենսաչափական անձնագիր կամ նախկինում ունեցել է էլետրոնային նույնականացման քարտ կամ կենսաչափական անձնագիր, մինչև ապրիլի 13-ը պետք է կապվի թեժ գծի հետ՝ 032 2 40 10 10: Օպերատորը կգրանցի հանդիպումը հաճախորդի հետ, կնշի կոնկրետ օր, ինչպես նաև ժամը և վայրը, որտեղ պետք է մոտենա քաղաքացին: Ապրիլի 13-ից հետո, հաճախորդը հնարավորություն կունենա դիմել հայտարարությամբ my.gov.ge կամ sda.gov.ge, և պատրաստի փաստաթուղթը շահագրգիռ անձին կուղարկվի փոստով:

Այն անձը, ով առաջին անգամ ստանում է կենսաչափական անձնագիր և նախկինում չի ունեցել այն, կամ առաջին անգամ 1 ստանում էլեկտրոնային նույնականացման քարտ և նախկինում չի ունեցել այն, պետք է կապնվի թեժ գծի հետ. 032 2 40 10 10. Օպերատորը հանդիպում կնշանակի հաճախորդի հետ և հայտնի այն վայրը, որտեղ պետք է մոտենա նա», – ասվում է Վրաստանի արդարադատության նախարարության տեղեկատվության մեջ:

Գերատեսչության տվյալներով ՝ յոթանասուն և ավելի բարձր տարիքի մարդիկ կկարողանան առանց տանից դուրս գալու դիմում ներկայացնել նույնականացման քարտ և կենսաչափական անձնագիր ստանալու նպատակով (նույնիսկ, երբ նրանք առաջին անգամ են փաստաթուղթը ստանում)։ Դա անելու համար քաղաքացին պետք է զանգի թեժ գիծ և տեղեկատվություն տրամադրի օպերատորին, որից հետո Առողջապահության համաշխարհային կազմակերպության հանձնարարականի համաձայն, հատուկ համազգեստով, գործակալության աշխատակիցը 10 օրվա ընթացքում այցելելու է շահագրգիռ անձին իր կողմից նշված հասցեյով ՝ դիմումը ստանալու և անհրաժեշտ ընթացակարգերը իրականացնելու համար:

Արդարադատության նախարարության տվյալներով, վերոնշյալ բոլոր դեպքերում քաղաքացին փոստով կստանա պատրաստի փաստաթուղթը: