ՆԳ նախարարության արտակարգ իրավիճակների կառավարման ծառայության հրշեջներն ու փրկարարները ուղղաթիռով Կախեթիի շրջանից Թբիլիսի են տեղափոխել ծանր վիրավորված տղամարդու։

Լագոդեխի արգելոցի շրջակայքում ձիեր վարելիս ձին ծանր վիրավորել է քաղաքացուն, ինչի հետևանքով նա հայտնվել է ուշագնաց վիճակում։ Ճանապարհից դուրս լինելու պատճառով ուղեկցող անձինք չեն կարողացել նրան դուրս բերել։ Քաղաքացուն բժշկական կենտրոն տեղափոխելու նպատակով փրկարարական աշխատանքներին անմիջապես ներգրավվել է ՆԳ նախարարության սահմանապահ ոստիկանության ուղղաթիռը։

Հրշեջներն ու փրկարարները հնարավորինս սեղմ ժամկետում քաղաքացուն ցուցաբերել են առաջին բուժօգնություն, ապա ուղղաթիռով տեղափոխել Թբիլիսի։ Այս պահին քաղաքացին գտնվում է բուժհաստատությունում։

Տեղեկությունը տարածում է Ներքին Գործերի նախարարությունը։