Տասնութ մարդ է զոհվել միգրանտների կողմից իսպանական Մելիլլայի էքսկլավը գրոհելու փորձի ժամանակ

Տասնութ մարդ է զոհվել միգրանտների կողմից իսպանական Մելիլլայի էքսկլավը գրոհելու փորձի ժամանակ։

BBC-ի փոխանցմամբ՝ մոտ 2000 աֆրիկացի միգրանտներ փորձել են հատել Մարոկկոյի և իսպանական Մելիլայի էքսկլավի սահմանը։ Արդյունքում զոհվել է 18 մարդ, տասնյակ մարդիկ վիրավորվել են։

Իսպանիայի իշխանությունների տվյալներով՝ միջադեպի արդյունքում մոտ 130 միգրանտների հաջողվել է ապօրինի մուտք գործել Մելիլայի տարածք։ Ականատեսների խոսքով՝ հարձակվողները «կազմակերպված են եղել ու ագրեսիվ»։

Իսպանացի սահմանապահների հետ ներգաղթյալներին փորձել են կանգնեցնել նաեւ մարոկացիները։

Մարոկկոյի իշխանությունների տվյալներով՝ միգրանտների մի մասը մահացել է ցանկապատից ընկնելու հետեւանքով։ Ավելի քան 200 մարդ վիրավորվել է։ Նրանց թվում են 140 իրավապահներ և 70 միգրանտներ։

Սեուտան և Մալիլիան իսպանական էքսկլավներ են, որոնք հատում են ԵՄ-ի և Աֆրիկայի միակ ցամաքային սահմանը: