Տարիել Նակաիձեն հանդես է գալիս Վրաստանում ապրող կրոնական փոքրամասնությունների համար կարևոր տոները հանգստան օրեր հայտարարելու նախաձեռնությամբ
Կարծում եմ՝ ժամանակն է մտածել տարբեր կրոնական փոքրամասնությունների կողմից նշվող տոները հանգստյան օրեր հայտարարելու մասին։ Այդ ուղղությամբ ես օրենսդրական նախաձեռնություն կներկայացնեմ աշնանային նստաշրջանում,- այսօր խորհրդարանի լիագումար նիստում հայտարարեց անկախ պատգամավոր Տարիել Նակաիձեն։
Նակաիձեն կարծում է, որ թե՛ «Վրացական երազանքը», թե՛ ընդդիմությունը կաջակցեն նշված օրենսդրական նախաձեռնությանը։
«Վաղը հունիսի 28-ն է, մահմեդական աշխարհը նշելու է Կուրբան բայրամը։ Վրաստանում շատ քաղաքացիներ, ովքեր աշխատում են պետական կամ մասնավոր ծառայություններում, հնարավորություն չունեն այդ օրը հանգստանալը և իրենց համոզմունքներին համապատասխան կատարել իրենց պարտականությունները։ Ուստի, կարծում եմ, արդեն ժամանակն է մտածելու այն տոների մասին, որոնք նշվում են տարբեր կրոնական կամ էթնիկ փոքրամասնությունների կողմից։ Ընդհանուր առմամբ, խոսքը վեց օրվա մասին է»,- ասել է Տարիել Նակաիձեն։