Իսպանիայում ընթացող աշխարհի առաջնության երկրորդ դիվիզիոնի A խմբում տափօղակով հոկեյի Վրաստանի ազգային հավաքականը հինգերորդ հանդիպումն անցկացրեց և 3:2 (0:1 3:0 0:1) հաշվով հաղթեց Ավստրալիային: Նշենք, որ մեր թիմը խմբում կզբաղեցնի առաջին տեղը, եթե այսօր երեկոյան Խորվաթիայի հավաքականը մեզ համար ընդունելի հաշվով հաղթի Իսպանիային (1:0-ից 5-0 ներառյալ): Այս պահի դրությամբ Իսպանիան ու Վրաստանն ունեն 12-ական միավոր, Խորվաթիան՝ ինը միավոր։

Հիշեցնենք, որ աշխարհի առաջնության առաջին տուրում Վրաստանի հավաքականը 4:1 հաշվով հաղթել է Իսլանդիայի ընտրանուն, իսկ երկրորդ տուրում 7:3 հաշվով հաղթել է Իսրայելին:

Երրորդ տուրում մեր հավաքականը տանտերերի՝ Իսպանիայի հավաքականի դեմ լարված պայքարում 0:2 հաշվով պարտություն կրեց, իսկ չորրորդ տուրում սենսացիոն հաղթեց Խորվաթիային խոշոր՝ 6։0 հաշվով։

Խմբում առաջին տեղի դեպքում Վրաստանի հավաքականը դուրս կգա առաջին դիվիզիոն։