Ասոցացման համաձայնագիրը շատ կարևոր քայլ է ինտեգրման ձգտման գործընթացում, սակայն Ասոցացման համաձայնագիրը երկրին ինքնաբերաբար չի տանում դեպի թեկնածություն,- այս մասին հայտարարել է Վրաստանի հարցերով Եվրախորհրդարանի զեկուցող Սվեն Միքսերը Վրաստանում խորհրդարանում, Եվրոպային ինտեգրման և արտաքին հարաբերությունների կոմիտեների համատեղ նիստին խոսքով ելույթ ունենալիս:

«Ես ցանկանում եմ խրախուսել Վրաստանին հավակնոտ լինել։ Բոլոր երկրներն իրավունք ունեն անդամակցության հայտ ներկայացնելու, սակայն ընդլայնումն առանձին հարց է՝ անջատվել Արևելյան գործընկերությունից։ Ասոցացման համաձայնագիրը, իհարկե, շատ կարևոր քայլ է ինտեգրման ձգտման գործընթացում, սակայն Ասոցացման համաձայնագիրը երկրին ինքնաբերաբար չի տանում դեպի թեկնածություն։ Այս գործընթացի հաջողությունը կախված է մի շարք հարցերից, սակայն երկրի պատրաստակամությունը չափազանց կարևոր է։ Փիլիսոփայորեն ես կասեի, որ հնարավորության դուռը բացվում և փակվում է, և դուք կարող եք շատ երկար սպասել, որ դուռը բացվի հաջորդ անգամ: Ես կասեի, որ այս հավակնոտ մոտեցումը շատ կարևոր է։ Ասոցացման համաձայնագրի մաս կազմող բարեփոխումների մեծ մասը ձեռնտու է վրացական բիզնես միջավայրին, վրաց հասարակությանը։ Այսպիսով, այս բարեփոխումները շահավետ են և արժե շարունակել, նույնիսկ եթե մենք նայենք դրանց անկախ Եվրամիությանն անդամակցելու հավակնություններից», – ասաց Սվեն Միքսերը: