Վրաստանի իշխող կուսակցության փորձն ընդունելու այսպես կոչված Օտարերկրյա գործակալների օրենքը միայն մեկ օրինակ էր օրենքի գերակայության ոլորտում առկա խնդիրների երկար ցանկում, այս մասին  Վրաստանում ստեղծված իրավիճակի վերաբերյալ բանավեճի ժամանակ հայտարարել է Եվրախորհրդարանի պատգամավոր Սվեն Միքսերը։

Նրա խոսքով, ոչ մի լուրջ քաղաքական կուսակցություն չի կարողացել ամբողջությամբ անտեսել այն աջակցության մակարդակը, որը վրացիները արտահայտել են եվրոպական ապագայի նկատմամբ։

«Վրաց հասարակության մեջ երկրի եվրոպական նկրտման աջակցության մակարդակն այնքան բարձր է, որ մեզ համար շատ հեշտ էր աջակցել այդ ձգտումին։ Ոչ մի լուրջ քաղաքական կուսակցություն չկարողացավ ամբողջությամբ անտեսել վրացիների կողմից եվրոպական ապագայի աջակցության մակարդակը: Եվ նույնիսկ իշխանության ղեկին գտնվողները միշտ կարիք են զգում բարձրաձայնելու այդ մղման մասին, նույնիսկ այն դեպքում, երբ նրանց գործողություններն այլ բան են հուշում: Մենք տեսանք օրենքի գերակայության, դատական ​​համակարգի, լրատվամիջոցների ազատության խնդիրներ, ինչպես նաև քաղաքական բևեռացում։ Իմ կարծիքով, Վրաստանի իշխող կուսակցության փորձը՝ ընդունելու այս, այսպես կոչված Օտարերկրյա գործակալների օրենքը ընդամենը մեկ օրինակ էր այն խնդիրների երկար ցանկում, որոնք առկա են Վրաստանում օրենքի գերակայության ոլորտում»,- ասել է Սվեն Միքսերը։